الـــساعــة وحـــدة

عندما لا تهديك الساعات غير الألم
ولا تجد في الدقائق والثواني غير الأنين

الساعة وحدة

الساعة وحدة
تبرق الآمال تبدا
من ورا الجدران أسمع
ضحكته الحلوة وأصدا
وأتيقن أنه لا بد
مر ع الجارة يسلم
أو على أحمد ومريم
قلت أكيد أن السوالف
آسرة باله وما كف
ينشغل مرة بهذا
أو بذاك اللي يرفرف
ما درى عني أناظر
معصمي والساعة وحدة!!

مرت الساعة كئيبة
صارت أحزاني قريبة
انعمت عيني الغريقة
ما تناظر غير عقرب
تفرز سموم الثواني
والعقارب في القزاز
نصلها ف قلبي يكهرب
نبض أشواقي ويضرب
طيف أحلامي الطليقة
ليته يدري ليته يدري
ليته يدري الساعة وحدة

ليته يدري عن شقاي
شوقي آلامي وبكاي
ليته يسمع من رعود القلب
زفرات (ن) وآه
ليته يشعر باللهيب المشتعل ف الروح
واشباه الحياة
من يقل له ؟ من يقل له ؟
أني قلب (ن) عاش وازهر
في حضن روحه ودفاه
في مدى عيونه وخطاه
وأني صرت اليوم
رملات الصحاري الموحشة
تنبت أشواك وظلام
من يقل له من يقل له ؟؟؟؟
من يقل له الساعة وحدة؟؟؟؟

روحي يا روحي إليه
طوقي قلبه احضنيه
بعض من حرقة سهاد البين
ولوعاتي اودعيه
دمي بشرايينه اسكبيه
عله يشعر ويتذكر
حبنا الغالي الحزين
ولوحة كنا في سديم الليل
نرسمها بلهفة واشتياق
لوحة السر الدفين
كانت ألوان الحكاية
عشق وهيام وحب
وكم تشاطرنا الأماني
مع نجوم الفجر وأقمار الوصال
اسري يا روحي إليه
ادفني قلبي بيديه
عله يشعر ويتذكر
وخبريه خبريه
خبريه الساعة وحدة

خبريه أني بدونه
صمت ف زحام الحروف
صوت ما ينطق
خنقه البعد وهجرانه وخوف
خبريه أني كلام
خانته حروف الكلام
وأني سكون الوقت وأني قد فنيت
كلها الساعات عندي
كلها ساعاتي وحدة
كلها هي الساعة وحدة

ما تناظر غير عقرب
تفرز سموم الثواني
والعقارب في القزاز
نصلها ف قلبي يكهرب
نبض أشواقي ويضرب
طيف أحلامي الطليقة
ليته يدري ليته يدري
ليته يدري الساعة وحدة

[quote]

تسلم ع ذووقك الرائع

شكرا لك على المرور Smile