ابنسى آآآآه كـيف انسى

=========

ابرحل دمعة ٍحارت من ادنى الموق لاقصى الموق

خـذ لها الوقـت يوم انه حـرمها من هقاويها

ابرحل واجمع آلامي وابرقع ثوبي المشقوق

وابفهق عن دروب الشك رجلي قـبل تمشيها

انا ادري ان الـزمن قاسي واعرف اني بليا ذوق

ونـفسي يـوم ودعـتك رمـت فـي النار رجليها

عمر هالحب مايفنى مدامـه في الحـشا مخلوق

ولــو د نـيـا الـعــنا جارت وورتـنا بلاويها

ابنسى آه كـيف انسى وانا اللي من زمن محروق

اكـذ ّب كانني قلـت اقدرانسى بعض ماضيها

الا ياحـظـي المقـفي علامك للـشقى مـطفوق

انا طـالـبـك لاتفــتح لعـيني سـدّ واد يها

ابنسى كيف والذ كرى وسط قلبي تسوقه سوق

وهــذا طيف عاتـقـها وهـذي رجفـة يد يها

انا فـي ذ مة الله ما عـلي مـن الشقا والعوق

انا فـي ذ مـة اللي لاقــبض هالروح يحييـها

جعـل عـين ٍ بكت للـحب ابد ما تنحرم من موق

ولا تفقد ولـوطالـت ليالي الهـجـر غالـيها

وعـين ٍ خانت العـشرة عـساها امر الولي من فوق

عـساها فـي زمان ٍ دبـرتـه ضاعـت خطاويها

وابرحل والله العالـم وش الـلي بداخلي مـن شـوق

وبطـوي صفـحـة ٍ عـيّـا زمـان الـجـور يطويها

أبرحل والله العالم وش اللي بداخلي من شوق

وابطوي صفحة ٍ عّيا زمـان الجوريطويهـا

ابرحل تايه بغربة وطن مالي عليـه حقـوق

وطن وحد وده عيونك ود مع ٍ حايـر ٍ فيهـا

.